Sa uwei u nongrwai ba khraw, ula khlad noh

Shillong: U Bah Rana Kharkongngor, uwei na ki nongrwai ba pawnam jong ka ri Khasi, ula khlad noh mynta ka step, ha ka jingshah sumar ha NEIGHRIMS, ong ka khubor.

U bah Rana, ula don ha ka jing shitom, kaba la bat la bun snem, hynrei, ha ki khyndiat taiew ba ladep, ka jing shitom, ka la nang ban jur ia u bad kumta, la leit rah noh sha NEIGHRIMS hospital.

Ynda la poi ha katei ka hospital, la lap ba U bah Rana, u don ruh ia ka jingpang covid 19, nalor kiwei pat ki jingpang, kaba la don lypa ha ka met jongu.

U bah Headingson Ryntathiang, uwei na ki nongrwai ba rangbah bad uba iajan bha bad U bah Rana, u iathuh ha U Rupang, ba utei u rangbah, ula khlad mynta ka sngi, ha ka por 9baje tam mynstep. La iathuh ba yn pyndep ia ka met jongu, lashai ka sngi ha Mawpat.

Ka jingkhlad U bah Rana, ka dei hadien ar sngi, jong ka jingkhlad noh U bah R Waroh Pde, uwei na ki nongrwai ba khraw jong ka Ri Khasi.