Sa uwei u nongpang, uba dang shu ioh pang thymmai ha Assam

Sa uwei u nongpang COVID-19, uba dang shu ioh hynnin ka sngi ha Assam bad baroh kiba ioh pang, ki la poi sha ka 45 ngut.

U Himanta Biswa Sarma, myntri ka koit ka khiah ka Assam, u iathuh ba utei uba dang shu ioh pang, u dei uba na Cachar district. Haduh mynta, kito kiba dang don ia katei ka jingpang ha katei ka Jylla, ki long 10 ngut.

La iathuh ba ki don 34 ngut kiba la ioh jingkoit, kiba shah sumar ha ki hospital bapher jong ka Jylla.

Katei ka jingpang, ka la shim ia ka jingim jong uwei u briew ha Assam.