Sa uwei pat uba ioh pang Covid 19 ha Manipur

Sa uwei u briew, ula ioh pang COVID-19 ha Manipur.

U Biren Singh, myntri rangbah katei ka Jylla, ula thoh ha ka twitter ha ka por 12.30 shiteng miet, ha kaba ula iathuh ba ula lap sa uwei uba ioh ia katei ka jingpang ha katei ka Jylla.

U Singh, u iathuh ba utei uba ioh pang, u dei uba wan na ka jing lehniam jong ka Tablighi Jamaat ha Nizamuddin kaba ha Delhi. La iathuh ba ki dang don sa kiwei, kiba dang don ha ka jing peit bniah ki doktor.

Na kitei ki 10ngut kiba leit sha kaei ka jing lehniam, kiba na Manipur, la iathuh ba 8ngut kim don ia katei ka jingpang bad uwei na kitei, u ioh ia katei ka jingpang. Katei ka jinglehniam, ka long naduh ka 13 haduh ka 15tarik Lber 2020 ha Delhi.