Sa uwei na Jowai, u ioh covid 19, kiew ka Assam sha ka 1,672

Shillong: La ioh khubor ba sa uwei u briew, ula ioh pang Covid 19 bad u dei uba dang shu wan phai na Agra.

Utei u briew, u don ha ka jingshah sumar ha Jowai, West Jaintia Hills, ong ka jingthoh u Conrad Sangma ha ka twitter jongu. Baroh kiba ioh pang, ki long 31 ngut bad kiba dang don ha ka jingpang, ki long 17 ngut.

Ki don sa 51 ngut kiba ioh pang Covid ha Assam bad mynta kiba ioh pang baroh ki la poi sha ka 1,672 ngut. Kitei ki long 28 ngut na Dhubri, 13 na Darrang, 5 Karimganj, 3 na Sonitpur bad 2 na Lakhimpur.

Kham mynshwa, ha ka por mynstep, ki don sa 60 ngut kiba ioh pangCovid 19 ha Assam. Kine ki kynthup ia 38 ngut na Dhubria, 18 na Golaghat bad 4 na Nagaon. Baro kiba ioh pang, ki la poi sha ka 1,621 bad kiba dang don ia katei ka jingpang, haduh mynta, ki long 1,217 ngut, ong ka tweet jong U Himanta Biswa Sarma, myntri ka koit ka khiah ka sorkar Assam.