Sa uwei na Dhubri, uba ioh coronavirus

Uwei u briew, uba na Dhubri, ula ioh pang coronavirus, ong U Himanta Biswa Sarma, myntri ka koit ka khiah ka sorkar Assam bad da kane ka jingjia, ki la don 30ngut kiba ioh ia katei ka jingpang ha katei ka Jylla.

U Sarma, u iathuh ba utei u briew ruh, u dei uba don jingiadei bad ka jinglehniam ki Muslim ha Nizamuddin Markaz, kaba la long ha U Lber ha Delhi.

U Sarma, u thoh ha ka twitter jongu mynta ka step shaphang katei ka jingjia bad kane ka dei ka sien kaba ar, ba kin don kiba ioh pang Covid 19, hapoh ka 24 kynta, ha kaba uwei u dei uba na Dimapur bad nangta sa une uba na Dhubri.

Haduh mynta, ka dei tang ha Meghalaya bad ha Sikkim, ba kam pat poi katei ka jingpang Corona.