Sa tang 84hajar ngut kiba pang bad 4hajar, kiba iap covid ha India

Kiba ioh pang corona ha India, ki don 84,332 ngut ha ki 24 kynta ba ladep bad katei ka dei ka jinghiar kaba bun tam, naduh ka 2tarik Iaiong 2021. Ki don sa 1,21,311 ngut kiba la jem na katei ka jingpang, ha ki 24 kynta ba ladep.

Ki jylla, kiba bun eh, kiba pang ha ki 24 kynta ba ladep, ki dei ka Tamil Nadu da 15,759, Kerala da 14,233, Maharashtra da 11,766, Karnataka da 8,249, Andhra Pradesh da 8,239 ngut. Kumba 69 percent, na ka jingpang khlam, ka wan na kitei ki san tylli ki jylla bad ka Tamil Nadu, ka don haduh 18.69 per cent na kiba pang thymmai.

Ki don sa 4,002 ngut kiba iap ha ki 24 kynta ba ladep bad kitei ki kynthup ia ka Maharashtra (2,619), Tamil Nadu da 378 ngut. Kiba dang don ha ka jingpang, ki long 10,80,690.