Sa tah ki jingthoh dawa ILP, ha bun ki jaka ha Ri Bhoi

Nongpoh: Ki jingthoh ban dawa ILP, nalor ka kyntien ‘No ILP,No Rest’, ki la satah ha kiba bun jaka ha Ri Bhoi, ha kaba la ioh ba ha kiba bun ki jaka paidbah bad kumjuh ruh ha ki bynta ka ophis treikam sorkar, ki don ki bynta ka kyrwoh ba ki sengbhalang, ki la thoh da ‘We Want ILP’, nangta ‘No ILP No Rest’ lem bad kiwei ki rukom thoh.

Ha ki jingthoh ban dawa ILP, na kiba bun na kitei ki jingthoh la iohi na ka seng KSU bad RBYF, ha kaba ki la thoh ha kata ka rukom, kaba ki dawa jur na ka sorkar ba ka dei ban pynlong Ain noh ia ka ILP bad kiba la pynpaw ba lada ka jylla kami oh pyntreikam ia ka ILP, kaba mut ba nangne shakhmat yn nangheh ka jingiakhih ban pynbor ia ka sorkar.