Ka jingthep vote ka la hajan eh ha Ampati bad hynnin ka janmiet, ka la don ka jingioh kurup pisa kaba T.5lak duna.
Katei ka pisa kaba T.4.95lak na uwei u nongkhaii na Mankachar bad katei ka dei ka pisa kaba la ioh da ki pulit na ka shnong Monabari ha Ampati, kaba don ha khappud jong ka Assam.
Utei u nongkhaii, U Abu Jiyat Shah, u kam ba katei ka dei ka pisa kaba dei na bynta ka kam jongu hi, hynrei namar ba ka don ka kyndon ilekshon, kumta la kurup noh ia katei ka pisa, hynnin ha ka por 6.30 janmiet. Lah ban pynkynmaw, ba ha ka 5tarik Jymmang 2018, la ioh kurup ia ka pisa kaba T.4,29,800 na uwei pat u briew, uba kam ba u dei u Secretery ka VEC bad ba katei ka dei ka pisa jong ki nongtrei shispah sngi.