Sa T.20klur, ioh kurup pisa ka ED, na iing ka paralok u myntri ka Bengal

Ka Enforcement Directorate, ka la ioh kurup biang sa T.20 klur ka pisa, na ka iing sah kaba ar jong ka Arpita Mukherjee, kaba dei ka paralok kaba iajan bad u myntri ka West Bengal, U Partha Chatterjee. Kane ka jinglap, ka dei hadien ka jingioh kurup, kaba dang shu ioh shen ha ka taiew ba ladep, kaab long T.21klur. Ki bor jong ka ED, ki ioh ruh ia 3 kilo ka ksiar, kaba shongdor T.2klur, ong ka khubor.

Ha ka taiew ba ladep, ka ED, ka la ioh kurup ia ka pisa kaba T.21klur na ka iing sah jong ka Arpita Mukherjee bad ka jingkhynra, ka dei na ka jingthung kam hikai, ha kaba la kynnoh, ba U Chatterjee, u bam pisa na katei ka kam.

Ka Arpita Mukherjee, ka iathuh ha ka ED, ba katei ka pisa, kaba don ha iing jongka, ka dei ka jong U Partha Chatterjee.