Sa shisnem ar bnai, yn ia thoh u myntri rangbah duh ka England

U Boris Johnson bad ka Carrie Symonds, kin ia thoh noh la shem snem.

U Johnson, 56 snem myntri rangbahduh ka England bad ka Symonds, 33 snem, ki la phah lypa ia ki card jingkhot sngewbha sha kiba ieid ba thoin, na bynta katei ka jing iathoh, ka ban long sa shi snem ar bnai, kaba dei ha ka 30tarik Naitung 2022, ong ka khubor jong ka The Sun.

Kitei ki arngut, ki la iateh ktien, ha u snem 2019, hynrei, ki la hap buhteng ia ka jing ia shong kurim, na ka jing pynwit jong kane ka khlam corona virus.

Ym pat lah ban tip, ia ka jaka, kaba kin pynlong ia ka jing ia thoh jongki, hynrei la sngewthuh ba kan dei ka jing iathoh kaba heh ha utei u snem, u ban wan, ha kaba la khmih lynti, ba ka khlam ruh, kan duh jait noh shi syndon ha katei ka Ri.

U Johnson bad ka Symonds, ki dei kiba nyngkong eh, na ki shijur ban leit sah ha Downing Street, khlem pat pyndep, ia ka jing iathoh shong kurim.

U Johnson, ula tyrwa jingieid bad dem khohsiew ia ka Symond, ha ka por ba ki ialeit kai pyngngad sha Mustique ha Caribbean, kaba dei hadien ba ka seng jongu, ka la jop don burom ha ka elekshon, ba la pynlong ha U Nohprah jong u snem 2019.

Kitei ki shijur, ki ju sngew bang ban ia khot iwei ia iwei, da ki kyrteng sin, ba ka ka Symond, ka ju khot ia U Boris, da U Bozzie Bear, katba U Boris, ia ka Symond, u ju khot da ka ‘Otter’. Ka Symond, ka la ioh khun na U Boris, ha u iaiong jong u snem ba ladep, ha kaba la ai kyrteng U Wilfred.

U Johnson, ula don tnga ar ngut kham mynshwa bad ha shwa ba un iakynduh ia ka Symond, ula ia tar kot noh bad ka tnga barim jongu, ka Marina Wheeler, ha kaba ula don arngut ki khun shynrang bad sa arngut ki khun kynthei.