Sa shisien bat biang ka Sohra ia ka nam ba jur slap tam

Shillong,18 Iaiong:
Ka Sohra bad ka Mawsynram ki dei ki ar tylli ki shnong ba la rung kyrteng ha ka thup rikod jong ka pyrthei baroh kawei kum ki shnong ba jur slap tam, kattto katne por ka la don ka jingiaknieh hapdeng kitei ki ar shnong ia katei ka nam, bad hapdeng katei ka jingia knieh ka la don ruh sa kawei pata ka shnong kaba na Ri France kaba la bat teng ia katei ka nam. Hyn rei katkum ka jingshim jingkhein jong ki stad kiba thew halor katei ka jingjur slap mynta ka kynti ki la pynbna biang ia ka kyr teng ka Sohra kum ka jaka ba jur tam u slap.
Ka Sohra ka la

thaw ia ka rikod thymmai jong ka ha ka jingjur slap kaba la neh haduh 48 kynta , katkum ka jingshim jing khein bad ka jingiatai ki stad ka World Meteorological Organisation WMO hapoh Geneva. La ong ba ha ka jingiatai kaba jur ban wad ia ki jingkhein na baroh ki jaka ba jur slap tam la pynkut noh ia ka ijngiatai da kaba pynrung ia ka kyrteng ka Sohra. Ka Sohra ka la ioh biang ia katei ka nam na ka ingjru slap kaba 48 kynta (ar sngi) uba ka jingheh ka long 2 493 millimeters (98.15 inches). Kham ha shuwa ka Sohra ka Indian Ocean island of La Réunion (France) ka la bat ia katei ka nam ha kaba ka jingheh u slap hapoh ka 48 kynta ka long 2 467mm (97.13) .
Shuwa ban shsim ia katei ka rai ban pynbna ia ka nam ka Sohra kum ka jaka ba jur slap tam, ka la don ka jingiatai kaba jur hapdeng ki stad kiba thew ba woh ia ki bor mariang, bad la iathuh ruh ba wat hadien ka jingiatai kaba ha Geneva , la thaw biang sa kawei pat ka komiti wad bniah ha kaba ki dkhot katei ka komiti ki dei ki stad thew suin bneng na ka Ri Argentina, Columbia, France, Germany, India, Morocco, Spain bad United Kingdom . Na ka liang katei ka Komiti ruh ka la kubur ia katei ka rai ka Panel Disscussion.
Lah ban pynkynmaw ba ia ka Sohra la tip ruh kum ka jaka ba jhieh tam ha ka pyrthei baroh kawei, ka nam ba katei ka shnong ka ioh kam shym la kut noh tang ha ka jingjur slap hynrei la tip ruh ia ka kum kawei na ki jaka ba lah ban khring bha ia ki nongwan jngohkai pyrthei baroh kawei. Hynrei lah ruh ban pynkynmaw ba watla ka dei ka jaka kaba jhieh tam pynban ha ki khyndiat snem mynshuwa katei ka jaka ka dei ruh ka ba tyrkhong um tam na bynta ki paidbah.