Sa shi taiew, dang pynjlan ia ka pakhang shnong ha Delhi

Ka sorkar Delhi, ka la pynjlan ia ka pakhang shnong sa shi taiew kynthih, na ka jing nang kiew stet ka khlam corona ha katei ka jylla rit.

Mynta ka sngi, U Arvind Kejriwal, u thoh ha ka twitter jongu, ha kaba u ong “Ba ia ka lockdown ha Delhi, la pynjlan sa shi taiew”. Kan bteng haduh ka por 5baje mynstep jong ka 10tarik Jymmang bad ki kyndon kiba la buh kham mynshwa, kin dang iai bteng.