Sa shi taiew, dang pynjlan ia ka pakhang shnong ha Delhi

U Arvind Kejriwal, myntri rangbah ka Delhi, mynta ka sngi, ula pynjlan biang ia ka pakhang shnong ha Delhi, sa shi taiew kynthih bad katei kan kut, haduh ka por 5baje mynstep, jong ka 3tarik Jymmang 2021, na ka daw jong ka jing nang kiew stet, ka khlam corona ha katei ka jylla rit.

“Ka pakhang shnong, ka dei ban kut lashai ka sngi, ha ka por 5baje mynstep, hynrei, ka donkam ban nang pynjlan shuh shuh, namar ba kane ka khlam, kam shym la nang hiar satia. Ki nongshong shnong, ba kynthup ia ki nongiew nonghat, ki ai jingmut, ba dei ban nang pynjlan shuh shuh. Ha ka shi taiew ba ladep, la iohi, ia ka jingnang kiew jongka, da 36-37 percent na kaba ju long bad ka dei ka bym pat ju jia mynshwa ha Delhi. Mynta ka sngi, ka hiar sha ka 29 percent, hynrei ka corona virus, kam pat jah satia bad ngin hap ban ap bad ngin hap ban iakhun pyrshah ia ka” ula ong shuh shuh.