Ka World Cup, ka dang jngai bha ha Qatar, ha kaba kan long sa haduh saw snem mynta, hynrei ka Qatar, ka la jan dep ia ki rynsan ialehkai bapher, kiba dei ban long ha u snem 2022. Kane ka dei ka dur jong ka Al Wakrah Stadium, kaba dei kawei na ki rynsan ialehkai, ha kaba ka la wan dur itynnad bha bad ka la jan dei ban dep lut khoit, sa tang ha ki khyndiat bnai ban sa wan.
Ki don 8 tylli ki rynsan ialehkai, kiba don kumba 21 mer antad na ka nongbah Doha. Ka jingialehkai, ha ka sien ba nyngkong, kan long ha ka por tlang, namar ba katei ka dei ka jaka kaba shit tasam bad kan sdang ha ka 21tarik Naiwieng, katba kan kut noh ha ka 28tarik Nohprah 2022, ha kaba kan long tang 28sngi.