Sa lai pyrton ki CRPF, ban iakhun lehnoh sha Garo Hills

Shillong, 06 Rymphang:
Lai tylli ki pyrton ki CRPF kin sa wan poi la sngi nyngkong ban iakhun lehnoh sha Garo hills nalor ki bor pulit kiba la don lupa.
Ka sorkar jylla kila pynjur shuh shuh ia kane ka jingpara khnang ban tehlakam na ki jingshah pyniap jingshah rahbor ha ki seng lehnoh ha Garo Hills.
U Heh sorkar na ka tnad kam pohiing u la ong ba kawei ka pyrton CRPF kala poi ha thain Shallang jong ka West Khasi hills district ban iada da ki seng lehnoh ha Garo Hills.
U la pyntip bas a lai tylli ki pyrton CRPF kin sa wan poi la sngi nyng kong ha Garo hills.
Utei u heh sorkar u la iathuh ruh ba sorkar jylla ka la rai ban buh ia kawei ka ktem harud ka wah Simsang ka East Gao hills district.
Nalor kitei ki CRPF la don ruh ki pulit SWAT commando ban iakhun pyrshah ia ki lehnoh GNLA bad kiwei kiwei ki kynhun seng lehnoh ha katei ka thain.
La ong ruh ba ka sorkar jylla ka la pynjur shuh shuh ia ki bor pulit ki ban iakhun pyrshah bad ka seng lehnoh ha Garo hills. Ka sorkar jylla ka dang ap ia ka jubab na ka GNLA halor ka jingkhot iakren jong ka sorkar.