Sa lai bnai, pynjlan ka sorkar India, ban sam ia u khaw baduk

New Delhi: Ka sorkar India, mynta ka sngi, ka la pynjlan sa lai bnai, na ka bynta ban sam ei ia u khaw bad u kew reshon, ha kaba yn sam ei sha ki 80klur ngut kiba duk ha ka Ri bad katei ka skhim, ka dei ban kut ha U Nohprah mynta u snem.

U Anurag Thakur, myntri ka sorkar India, u pynbna, ba ka rai jong ka kynhun myntri, ka la rai ban nang pynjlan shuh ia ka PM Garib Kalyan Anna Yojana (PMGKAY), sa lai bnai.

Katei ka jingpynjlan ia ka skhim sam khaw ei reshon, kan ktah ia ka pisa paidbah, kaba long T.44,700 klur bad katei kan dei ban sam khaw ei ia 5 kilo shi khlieh crore. Katei ka skhim, ka dei ban kut ha ka sngi thohdieng ban wan, hynrei mynta, kan trei kam, haduh ka 31tarik Nohprah 2022.