Shillong:Ka Hynniewtrep Integrated Territorial Organization East bad West Jaintia Hills District hapoh ka jingialam u President ka East, u Deibormi Rymbai bad u General Secretary ka West Jaintia Hills mynta ka sngi ki la leit ai da ka dorkhas, ha u Chief Executive Member ka Jaintia Hills Autonomous District Council, hadien ba la ioh jing ujor, na ki paidbah ka thain East Jaintia ba la wan ki company dewbilat thymmai kiba la tip kyrteng kum ka MegaBond Cement, kaba la pynkhreh, ia ka jingtei ia ka karkhana ha ka shnong Wahiajer Elaka Narpuh East Jaintia Hills District.
Ha ka jing iakynduh bad u CEM ka JHADC, u ma Thombor Shiwat, u la kubur baka don ka company kaba thymmai kaba la wan mih sha ka JHADC ban pan mynjur, hynrei na ka liang jong ka council, ka la kyntait bad ka la bthah ba kan pynbiang shwa ia baroh ki jingdon kam bad ki kot ki sla bad hadien, yn sa bishar bad yn rai la yn pdiang ne kyntait ia ka jingpan jong katei ka company bad haduh mynta ka JHADC kam shym la ai NOC ne kino kino ki dulir ha kaba iadei bad ki karkhana dewbilat ba wan thymmai ha rilum Jaintia.
Hakaba iadei bad ka jingthmu ka sorkar pdeng bad ka sorkar jylla ban pynpoi lynti rel haduh East Jaintia Hills District, na ka liang u CEM, ula ong ba kumba ka long mynta ka JHADC, hi kan nym pdiang iaka lynti rel bad ka la don ka committee kaba khmih iakane ka kam bad na ka liang ka council hi kam pat don kano kano ka jingiakren ha kaba iadei bad ka lynti Rel bad na ka liang u CEM, ula kren shai ba ka council kan nym lah ban pdiang ia ka lynti rel kumba ka long mynta.
Na ka liang ka seng, ka la dawa ba ia ki karkhana dewbilat kiba thymmai ym dei ban shu ai mynjur pathar, khlem da bishar bniah iaki dulir kiba biang bad na ka liang ka seng, ka la buh jingkylli ia ka sorkar, ba kumno ka ai jingbit ia ka MegaBond Cement ban sdang ia ka jingtei jong ka khlem pat ioh mynjur, na ka JHADC, namar katkum ki kyndon ba la buh, da ka single window agency, kino kino ki company kiba wan seng karkhana, ha ka jylla, ki dei ban ioh shwa ia ka mynjur, na ka shnong, ne Elaka, na ka District Council bad sa leit pan ia ka Single window clearance, hynrei ha kane ka sorkar kaba mynta ka long mar khongpong, ba ki company kiba wan pan mynjur, na ki shnong, na ka Elaka, na ka District Council, ki la ioh lypa ia ka single window.
ka district kaba bun sngew synei haki nongmihkhmat u paidbah u shu duh ei ka ngap bad ka dud.
lah jied bakla iaki nongmihkhmat ka jaidbynriew ruh ka duh ka development namar ki nongmihkhmat ki shna tang ka jing duk bad kita ki poverty manufacturing unit dei hi u paidbah.
kylla noh bad jied daka sngewthuh iaka future