“Sa katno yn dang examin ia ka jing pyndep, ia ka surok Pynursla-Dawki”

Ka Pynursla Block Trinamool Congress Committee haka kyrwoh sha ki lad pathai khubor kaba lah pyllait da ka party,kaba lah pynsngew sha ki bor jong ka tnad PWD National Highway division bad sha ki shkor jong u Symbud Myntri uba dei ruh u MLA ka konstitwensi u Bah Prestone Tynsong halor ka jing sniew palat liam ka surok naduh Siatbakon shaduh sha ba kut ka shnong Umsyiem kaba bun ki nongleit nongwan bad ki nongniah kali ki lah thnum iaka jing treikam jong katei ka surok ia kaba dei ka lynti sha kiwei ki shnong ba sharum jong ka thaiñ Pynursla. “Hato kane ka Sorkar MDA ka matlah iaki jingeh ba kynduh ki paitbah jong ka thaiñ, bad balei ka tnad PWD ba dei peit hapoh ka jingpeit jong u Symbud Myntri ka kheiñ sting? Balei ruh wat ka surok ba iaid lyngba ka Pynursla bun sa ka thliew kaba pyni ba ki kontrakor ki shu shna tang dep bad ka tnat PWD ka shu pass bill khlem da bniah iaka quality jong ka kam.

Ka surok naduh Shillong shaduh Dawki kaba lah mang Rs. 1,252 klur kaba lah dei ban pyndep katkum ka soskular ba iateh ha ryngkat ka JICA, ka Sorkar Pdeng bad kumjuh ruh ka Sorkar Jylla hynrei ym don ba tip ka daw jong ka jing pynsangeh treikam jong kitei ki kompany kiba lah shim kane ka kontrak ban pyndep. Ka jinglong jingman ka surok kumba baroh kiba ju wan sha ka thaiñ sharum Pynursla ki lah ud lah thnum naka daw ka jing bym kitkhlieh u MLA ka konstitwensi. Wat ki nongshang kai ki nongwan jngoh kai ruh ki lah pynpaw iaka jing bym hun ka surok. “Hato u MLA badonburom u Bahduh Prestone Tynsong u iohsngew ne em ia ki jingeh ki paitbah bad ki nongleit nongwan”? Ka jing bym kitkhia jong ka tnad PWD ka paw shai kdar haka por ba wan u Myntri Rangbah ka Jylla sha Pynursla haka 13th tarik kane ka tnad lah shu siang khyndew siang shyiap tang ban iada burom na u MLA namar ka tnad treikam jong u ka lah pheil lypa. Hato sa katno klur nang pyllut haka kyrteng “development” khlem ki kam ba shisha, lane yn nang pynbeij sa da ka flyover iaki paitbah jong ka thaiñ Pynursla.
Sd/
Dominic S.Wankhar,
General Secretary,
AITMC-Pynursla Block Committee.