Babu Kular Khongjirem
Mynta ka taiew pat,ka mat ne issue kaba itynnad bha ha ka sorkar MDA ka long ka jingshna dukan kamai(shopping mall) ha Barik mar khap bad ka Civil Hospital bad mar pyrshah ka Soso Tham Auditorium ne State Library ba ki khot mynshwa.Na ka jingioh ‘Smart city’ jong ka sor Shillong,kawei na ki project ha katei ka jaka ka long ban shna ka jaka shong pyngngad(recreation) ne ka jingpyn itynnad ia ka sor Shillong da ki jingthung jingtep jong ka mariang(natural garden flowers).
Ka jingthmu hi ka long kaba biang namar ym tang ban pyn itynnad ia ka mariang ha pdeng sor hynrei ban ioh ruh ia ka lyer khuid(oxygen)hapdeng sor ba la khapngiah bad jaboh palat ka lyer.Phewse,kane ka jingthmu ba bha la pynkylla khongphong pynban khala khala tang shiteng miet da ka jingkwah jong ki nongialam ka party NPP kaba long ruh ka nongialam ia ka sorkar MDA ha Meghalaya.
Ngi iohi shai kdar ba u Deputy Chief minister u pyneh hi triang ban shna dukan kamai(shopping mall) noh ha Barik ban ia kaba shna shongkai kaba rit (mini park) ha katei ka jaka.U kham sngewbang ban ioh kamai pisa imat ban ia ka ban lait na ka jingkhap ngiah,ka jing japoh ka lyer ne ka mariang bad ka jingdheng kali(traffic jam) hapdeng ka sor Shillong.Imat utei u nongialam ka NPP u don ka jingthmu na sha lyndep ba um lah shuh ban pyndem(compromise)ia ka nongrim kamai pisa(materialistic thing)ban ia ka roi ka par jong lawei ba phyrnai(sustainable debelopment) jong ka sor Shillong. Hynrei,kaba itynnad eh kalong ba,ki paralok ba ia trei lang bad ka sorkar MDA ba la lamkhmat da katei ka party NPP kim da ia hap eh bad katei jingthmu jong ka NPP.U nongialam ka BJP uba bat ia ka kyrdan minister ha kane ka sorkar, um da ia hap ban thaw kamai pisa hapdeng sor da kaba shna shopping mall ha katei ka jaka.
Ka UDP ruh lyngba u General Secretary jongka, ka pynpaw shai ba kim da ia hap ia katei ka buit kamai pisa jong ka NPP.Ka congress ruh kum ka liang pyrshah lyngba u nongialam rangbah jongka ha Assemnly(leader of Opposition) u la pynpaw ia kajuh hi ka sur kumba pynpaw ka BJP bad UDP.Kine ki party ki kwah ba ka shopping mall dei ban long kham sha pathih(outskirt) ka sor Shillong kum sha new Shillong.
Ka party PDF kaba bat ia ka Municipality bad urban affair pat jar jar kam pat pynpaw pyrthei satia halor kane.Ka HSPDP ruh kam pat pynpaw satia halor kane ka mat.Kiwei kiwei ki party bad MLA shi met ruh kin hap ai ia ka rai halor kane ka mat kaban ktah ia ka jingkhap ngiah shuh shuh ka sor Shillong bad ka jing japoh ka mariang bad ka lyer nalor ka dheng kali(traffic jam kaba la shyrkhei hapdeng ka sor.
Lada kine ki party bad ki MLA shi met,ki ia kut jingmut shisha ban ia pyrshah bad pyneh shisha triang ia ka nongrim ban pyrshah ia kane ka mat kaba ktah mationg (burning issue), ka NPP kan sa sah marwei ka jingrhah pisa jongka khlem pyrkhat jngai shuh ia ka roi ka par jong ka pateng ban wan(sustainable development) bad mano ba lah ban tip ba,kane ruh ka lah ban long kawei ka issue kaba lah ban ialam sha ka jingkhyllem noh ka sorkar MDA hapoh ka jingialam ka NPP.
Phi don ban ong eiei?