Sa hynriew ngut kiwei pat, kiba wan na Greenwood resort, yn ejahar ka DC

Shillong: Hynnin ka sngi, la ioh jingtip, ba ka Deputy Commissioner, jong ka East Khasi Hills District, ka la ejahar, tang ia ki 35 ngut ki briew, ha ka jaka jong ki 41 ngut kiba leit iatoh sha Greenwood Resort, Guwahati.

U bah Prestone Tynsong, Deputy Chief Minister, ka sorkar Jylla, u iathuh ba ka DC, kan sa phah ia katei ka ejahar ia kiba sah 6ngut ha ki khyndiat sngi ban sa wan bad la kham pynslem ia kitei ki 6ngut kiwei pat, namar ba ka DC, kam pat ioh ia ka jingtip kaba shai na ka tnat ka koit ka khiah jong ka sorkar Jylla, namar ba ki dei ma ki, kiba wad ia kitei ki nongpang bad kam dei satia ka ophis jong ka Deputy Commissioner.

U bah Tynsong, u iathuh ba mynta kitei ki 41 ngut, ki don ha ka jingshong kyrpang jongki, ha kaba ki siew pisa hi dalade, ia ka bai lut bai sep.