Sa hynriew bnai, la pynjlan ia ka ain AFSPA, ha Nagaland

La pynhap biang ia ka Jylla Nagaland baroh kawei, kum ka jaka ba don jingma lane “disturbed area” bad katei kan trei kam, na ka bynta hynriew bnai kynthih, kaba long haduh U Nohprah 2019 bad katei kan hap ha ki kyndon jong ka AFSPA, kaba ai bor ia ki shipai, ba kin talasi ne khynra ha kino kino ki jaka, khlem da pan jingbit lypa.

Katei ka ain The Armed Forces (Special Powers) Act, ka la iai bteng ha Nagaland, da ki bun phew phew snem.

Ka hukum na ka tnat kam poh iing jong ka sorkar India, ka ong ba ka sorkar India, ka iohi, ba ka dang i donkam ban pynhap ia ka Jylla Nagaland, ha katei ka ain, namar ba ka dang don ha ka jinglong jingman kaba i don jingma bad ka jing pyntreikam da ki bor shipai ka dang hap ban bteng.