Sa hynniew ngut kiba na Guwahati, ki ioh covid-19, kiew sha ka 86 ngut

Ka jingdon kiba pang COVID-19 ha Assam, ka la kiew sha ka 86 ngut, hadien ba ki don sa hynniew ngut kiba ioh ia katei ka jingpang, kiba shong ba sah ha Guwahati.

Kitei ki dei ki nongpang, kiba ioh ia ka jingpang bampong lem bad ki nong synran jongki, kiba wan phai sha Guwahati na Mumbai lem bad uwei u khynnah uba dang 13 snem ka rta.

U Himanta Biswa Sarma, myntri ka koit ka khiah ka sorkar Assam, u iathuh ba kitei ki 7 ngut ki dei kiba dang shu wan phai na Mumbai.

Ki kyrteng jong ki nongpang, kiba la thoh da U Sarma, ha ka tweet jongu, ki long “Cancer: 1.Manoranjan Saha 2.Pradip Kumar Bania 3. Gopindra Chandra Malakar; Heart: 4. 13-year-old (name withheld). Ki nongsynran ki long :5. P Basudev Patowari 6. Nilakantha Deb 7. Mina Rani Bania”.