Sa ha Ratacherra bad Bajengdoba, ki khyrdop talasi mynder ka sorkar

Shillong:U symbud myntri rangbah ka jylla u bah Prestone Tynsong, u la ong ba na ka liang jong ka sorkar, hadien ba ka la dep ban plie mynta ka sngi ia ka Entry point ha Umling Ribhoi District kan sdang noh ia ka jingtei noh sa ia ki ar tylli ki entry point kata kawei ha Ratachera East Jaintia Hills District bad kawei ha Bajengdoba North Garo Hills District.

Haba ia kren bad ki lad pathai khubor, na ka liang u bah Prestone u la ong ba na ka bynta kaba nyngkong ki 18 tylli ki khyrdop ia rung sha ka jylla ka ba kham donkam ban pyndep kyrkieh ka dei ha kine ki lai tylli ki khyrdop kata ha Umling,ha Rata chera bad ha Bajeng doba.

U la ong ruh ba ka jing iohi ia ka jingdonkam ban tei kyrkieh ia kine ki lai tylli ki khyrdop ka long namar ba ha Bajengdoba ka dei ka khyrdop ka ban rung sha Garo Hills District, ha Umling ka dei ka khyrdop ban rung sha Shil long bad ka Rata chera ka jaka rung na Silchar sha ka jylla kumta ka long kaba donkam ban tei kyr khieh ia kine ki khyrdop.U la ong ruh ba kine ki jingtei kin long kum ka jingtei ka ba la dep ban shna ha Umling Ribhoi District da ka prefab bad kiba lah ban pyn dep tang hapdeng ki lai bnai ha kaba ka jinglut kan long tang hapoh T.3 klur eiei.

U la iathuh ruh ba ka jaka kaba la jied ban shna ia ka khyrdop ha Rata chera ka dei ka jaka jong ka JHADC bad la dep ai ia ka jaka ha ka tnad Tou rism bad ia ka jaka ha Bajengdoba pat ka dei ka jaka jong ka tn ad Sericulture bad kane ka jingtei kan kham kloi katba kiwei pat ba ym ioh ia ka jaka kan kham slem. U la ong ruh ba ha kaba ia dei bad ka Airport ka la don ka Facilitation Center ha Umroi Airport, kat ba ka railway station ha Mendipathar ka dang don hap deng ka jingshna bad ka sorkar kan sha buh ia ka facilitation center ha kane ka jaka.