Sa ar ki met iap, ioh sei na ka jinghap ka MTC

Tura: Ki pulit jong ka State Disaster Response Force (SDRF), ki la ioh sei sa ar tylli ki met iap mynta ka sngi, na ka jinghap ka bos MTC ha wah Ringdi, jong ka shnong Nongshram, ha East Garo hills District.

Ia kawei ka met iap, la ioh sei ha ka por 9baje mynstep, hadien ka jingwad, kaba la iai bteng naduh hynnin ka miet, katba ka met kaba ar, la ioh sei ha ka por shiteng sngi.

Baroh kiba iap, ha katei ka jinghap kali, ki la poi mynta sha ka phra ngut. La ialam ia ka kynhun ki shipai SDRF, kaba 8ngut da U T K Sangma, Deputy Controller of Civil Defence, East Garo Hills District. (PRO- CD&HG)