Sa 9 bnai kan don ka jingbujli myntri ha ka sorkar MDA

Shillong: Ka sorkar Meghalaya Democratic Alliance (MDA) ba la ialam da u Conrad K Sangma na ka seng sain pyrthei National People Party (NPP) kan sa dap ar snem shiteng ha u bnai Nailur satang 9 bnai kan sa don ka jingbujli myntri hapoh kane ka sorkar.

Kane ka long ba ha ka por ba sdang jong ka jingialam ka sorkar MDA kala don ka jingiakut hapdeng ki seng sain pyrthei ba ki kam myntri hapoh ka sorkar kan long mar ar snem shiteng.

Kane ka jingiapynbeit ka long ha pdeng ki MLA jong ki party ki ba ia synrop lang ban thaw ia ka sorkar MDA.

Ka UDP bad ka NPP ki ba don kham bun ki MLA kan shong ha kine ka party ban shim ia ka rai ia no kin phah shong noh bad iano kin wan rah sha kane ka kam myntri.

Katkum ki lad khubor ki iathuh ba ia kane ka jingiabujli myntri ka ban sa long ha ka rai jong ki party iano kin bujli, kumba ka long ka PDF ka don saw ngut ki MLA ha kaba ar ngut ki long ki Myntri, ka BJP ka don ar ngut ki MLA u wei u long myntri bad kum juh ka HSPDP ka don ar ngut ki MLA bad u wei u dei u myntri.