Shillong:Ha ka sienjam ban pynkhlain ia ki lad ka leit ka wan ha ki jaka nongkyndong bad pynsted ka jingkiew ka ioh ka kot ha ka thain shatei lammihngi, ka Tnad Rural Development ka la sanction 88 tylli ki surok ba 782.155 km bad 55 tylli ki jingkieng hapoh ka PMGSY-III, ha ka jingbei tyngka kaba T. 1,056.82 klur ia ka jylla Meghalaya.
Ha ka jingbteng ia kane ka sienjam, ladep sanction 55 tylli ki surok ba 443.26 km ha ka jingbei tyngka kaba T. 412.34 klur ha ka Jylla hapoh ka PMGSY-III.
Kane ka sienjam ka long ban kyntiew ka jingioh ia ki jingshakri ba kongsan kum ki lad ai jingsumar, ka pule puthi bad ki iew.
Ka jingkyntiew ia ki lad ka leit ka wan ha ki jaka nongkyndong, da kaba pyndap ia ki jaka ba suda hapdeng ki shnong bad ki jaka sor.
Ka jingkyntiew ia ka ioh ka kot, ka khaii pateng ha ka thain, ka jingplie ki lad ioh kam bad pynshlur ia ki lad kamai kajih ha ka thain ban iahap bad ka thong jong ka sorkar na ka bynta ka thain shatei lammihngi kaba seisoh bad ka India kaba la kiew shaphrang (Viksit Bharat).
Ki projek hapoh ka PMGSY-III kin wanrah jingkylla ha ka thain, bad nohsynniang sha ka jingkiew shaphrang bad ka jingseisoh jong ka thain shatei lammihngi bad pynkhlain ia ka jingkut jingmut jong ka sorkar na ka bynta ka roi ka par kaba kynthup ia baroh.
Ngi na Amkoi ngi donkam shisha ka surok ban pyniasoh shaduh Shnongpdeng.Ngi Don ka Tourist spot hynrei ki Duna bawan naki daw bym biang ka surok.
Nga kyrpad iska sorkar bakan sngewbha ban ai bynta lem iangi khnang bangin ioh surok na Nongbareh,Amkoi shaduh Shnongpdeng.Ka jingjngai tang kumba 10km eiei.