Sa 83 hajar ngut ha ka shi sngi, kiba ioh khlam corona ha India

Kiba ioh pang khlam covid 19 ha India, ki la poi mynta sha ka 38 lak ngut bad katei ka dei hadien ba ki don sa 83,833 ngut kiba ioh pang thymmai ha ki 24 kynta ba ladep bad kiba iap, ki long 1,043ngut bad baroh kiba iap, ki la poi sha ka 67,000 ngut. Ka jingkhein kaba 83 hajar tam, ka dei kaba heh tam, na ka jingioh pang khlam ha India, ha ka shisngi.

Ka khubor na ka Union health ministry, ka iathuh ba kiba ioh ia katei ka jingpang, ki la poi baroh sha ka 38,53,407, kiba dang shah sumar ki don 8,15,538 bad kiba la jem, ki long 29,70,493ngut.

Ka tnat ka koit ka khiah ka sorkar India, ka iathuh hynnin ka sngi, ba ki don 54 percent kiba dei ha ka rta 18 haduh 44 snem, kiba ioh pang corona bad ki don 51 percent, kiba la palat 60 snem ka rta bad kiba iap, ki long 1.76 percent kaba long ka jingiap kaba duna eh ha ka pyrthei. Ka jingia ha ka pyrthei ka long 3.3 percent, ong ka khubor.

Kiba ioh pang thymmai ha Maharashtra, ki long 17hajar 400ngut hynnin ka sngi bad baroh kiba dang shah sumar, ki long palat 2lak ngut ha katei ka Jylla bad kiba iap ki la poi sha ka 25 hajar ngut.