Sa 78 hajar ngut, kiba ioh pang khlam corona ha India

Ka jingpang corona ha India, ka la nang kiew da 78,760 ngut ha ki 24 kynta ba ladep, katba kiba iap ki long 948 ngut.

Baroh kiba ioh pang khlam mynta ki la poi sha ka 35 lak ngut ha India bad kiba iap, ki long 63,498 ngut. Ka jingkhein ba la ai da ka health ministry jong ka sorkar India, ka long 35,42,733 ngut baroh kiba ioh pang ha India, katba kiba la jem na ka jingpang, ki long 27,13,933 ngut lane 76.47 per cent, katba kiba dang shah sumar ia katei ka jingpang, ki long 7,65,302 ngut.