Sa 735 ngut kiba ioh pang covid, hynnin ka sngi ha Assam

Guwahati: Ki don sa 735 ngut kiba ioh pang khlam coronavirus hynnin ka sngi ha Assam, kumta baroh kiba ioh pang, ki la poi sha ka 16,806 ngut.

U Himanta Biswa Sarma, myntri ka koit ka khiah ka sorkar Assam, u thoh ha ka tweet jongu, hynnin ka miet, ba na kitei ki 735 ngut, ki don 400ngut tang ha ka sor bah Guwahati.

Kiba dang don ia katei ka jingpang ha Assam, ki la poi mynta sha ka 5,873 ngut bad 10,894 ngut ki la mih na ki jaka sumar bapher ha ka Jylla.