Sa 69 hajar ngut kiba pang ha India bad nang kiew kiba iap corona ha Assam

Ha India, kiba ioh ia ka pang khlam coronavirus, ki la poi sha ka 28,36,926, da ka jingdon ki 69,652 ngut kiba ioh pang hynnin ka sngi.

Kiba la jem na ka jingpang, ki long 20.96lak ngut baroh bad kiba iap ki la poi sha ka 53,866 ngut da ka jingiap jong ki 977ngut hynnin ka sngi.

Ki don sa 2,116 ngut kiba ioh pang khlam corona virus ha Assam, hynnin ka sngi bad baroh kiba ioh pang, ki la poi mynta sha ka 84,317.

Kitei kiba ioh pang hynnin ka sngi, ki dei 311 ngut na Kamrup Metro, 190 ngut na Cachar, 174 ngut na Dibrugarh bad 125 ngut na Jorhat.

Kiba dang don ha ka jingpang, haduh mynta, ki long 23,753 ngut bad kiba iap hynnin ka sngi, ki don 10 ngut bad baroh kiba iap, ki la poi sha ka 213 ngut.