Ki don sa 60,974 ngut kiba ioh ia ka pang khlam coronavirus ha India, ha ki 24 kynta ba ladep. Mynta ki don baroh 31,67,323 kiba ioh ia katei ka jingpang. Kiba iap ha ki 24 kynta ba ladep, ki long 848 bad baroh kiba iap, ki la poi sha ka 58,390.
Ha Assam, ki don sa 10 ngut kiba iap hynnin ka sngi, na ka khlam coronavirus bad kiba ioh pang thymmai, ki long 1,879 ngut.
Napdeng kitei kiba ioh pang, ki kynthup ia 471 ngut kiba na Kamrup Metro, 143 ngut na Dibrugarh, 138 ngut na Jorhat bad 133ngut na Cachar.
Kiba dang don jingpang ha Assam, ki long 21,464 ngut haduh mynta ka sngi.
Ha Tripura, ki don 5 ngut kiba iap hynnin ka sngi bad baroh kiba iap, ki la poi sha ka 78ngut ha katei ka Jylla.
Kiba dang shah sumar na katei ka jingpang, ki long 2,407 ngut bad baroh kiba ioh pang, ki long 8,920 ngut ha katei ka Jylla. Na kitei ki 78 ngut, ki 54 ngut ki iap tang ha une u bnai uba mynta.
Phi don ban ong eiei?