Sa 6 bnai, yn bteng ka jingsam khaw ei, kaba 5 kilo shi khlieh briew

Shillong: Katkum ka jingsngewkhia bad ka jingphaikhmat sha kiba duk ba suk bad kiba don ha ka jingma, ka kynhun Myntri jong ka Sorkar Pdeng ba ialam da u Myntri Rangbah Duh, u Narendra Modi ka la bteng ia ka skhim Pra dhan Mantri Garib Kalyan Anna Yojana (PM-GKAY) sa hyn riew bnai, kata haduh u Nailur 2022 (Phase VI).

Ka Phase-V jong ka skhim PM-GKAY ka la dei ban kut ha u Lber 2022. Lah ban shu kdew hangne ba la pyntrei kam ia ka PM-GKAY naduh u Iaiong 2020, kum ka prokram pyn biang mar bam kaba heh tam ha ka pyrthei.
Ka Sorkar ka la pynlut kumba T. 2.60 Lak klur haduh myn ta bad sa T. 80,000 klur ka dei ka ban pynlut ha kine ki 6 bnai ban wan haduh u Nailur 2022 kaba pyn long ia ka jinglut baroh hapoh ka PM-GKAY ba kan jan kot sha ka T. 3.40 Lak klur.

Kane kan ai jingiarap ia kumba 80 klur ngut ki briew ha kylleng ka ri India bad kumba long ha ki por ba la dep, ka jinglut jingsep ka dei ka ban bah da ka Sorkar India.
Watla ka khlam COVID-19 ka la kham jem bad ki kam ka ioh ka kot ki la sdang tyllun mynta, kane ka jingbteng ia ka PM-GKAY kan pynthikna ba yn ym don kano kano ka longiing kaba hap ban mad ia ka jingshah thngan ha kane ka por ba dang khyllie baing ia ki kam ki jam.

Hapoh ka jingbteng ia ka PM-GKAY man u briew uba dei ban ioh jingmyntoi un ioh sa 5 kilo ki mar bam man u bnai ha ryngkat ka jingioh mar bam ba man ka por hapoh ka MFSA. Kane ka mut ba man ka longing kaba duna jingioh kan ioh ar shah ki mar bam ba ju ioh.
Lah ban shu kdew hangne ba ka Sorkar ka la mang kumba 759 LMT ki mar bam ban sam ei hapoh ka PM-GKAY haduh ka Phase V. Lyngba sa 244 LMT ki mar bam ba ai ei hapoh kane ka jingbteng (Phase VI) jong kane ka skhim, ka jingai ei ia ki mar bam hapoh ka PM-GKAY ka long 1,003 LMT ki mar bam.

Ki briew ki lah ban ioh ia kine ki mar bam ba ai ei ha kano kano ka jaka ba ki don hapoh ka plan One Nation One Ration Card (ONORC) na ka bynta 5 lak ki dukan sam khaw reshon ha kylleng ka ri. Haduh mynta, palat 61 klur ki jingshim ia ki mar reshon ha ki jaka trei jong ki nongbylla ki la ai jingiarap ia kito kiba hap leit bylla ha ki jaka ba jngai na la iing.
Kane ka la urlong namar ka jingtheid mar bam kaba bun tam wat hapdeng ka khlam kaba jur jam bad hapdeng ka jingai jingsiew kaba heh tam sha ki nongrep ba la ai da ka Sorkar. Dei ruh ban ai jingiaroh ia ki nongrep kiba la lah ban pynmih ki mar rep ba bun tam.