Sa 59 ngut kiba ioh covid ha ka Jylla

Shillong:Myn hynnin ka sngi, ki don 59 ngut kiba ioh pang covid thymmai ha ka Jylla bad kitei ki kynthup ia 50ngut ha East Khasi hills.

Na kitei ki 50ngut, ki kynthup ia 8 ngut ki shipai, 3 ngut kiba wan phai na shabar, uwei u pulit, 6 ngut ki health worker, iwei na Jhalupara, 1 na Keating road, 2 ngut na Laban, 2 ngut na Madanrting, 2 ngut na Malki, 1 na Nongmensong, 1 na Nongrim Hills bad 2 na Nongthymmai cluster bad iwei na Polo.

Ha West Jaintia Hills, ki don 5 ngut bad 4 ngut ki high rist bad iwei iba leit test ialade. Ha Ribhoi District ki don 2 ngut, iwei i Health worker bad iwei iba ioh na ka jingtest naphang ha Sohphoh.

Ha East Garo Hills, i don iwei i high risk bad ha South West Garo Hills i don iwei i high risk.