Sa 588 ngut, kiba ioh pang covid 19 ha Assam

Sa 814 ngut, ki don kiba ioh pang khlam Covid 19, hynnin ka sngi ha Assam bad baroh kiba ioh pang, mynta ki la poi sha ka 13,336 ngut.

U Himanta Biswa Sarma, myntri ka koit ka khiah ka sorkar Assam, u iathuh ba na kitei ki 814 ngut, ki don 588ngut kiba ioh pang tang na Guwahati.

Lyngba katei ka jingkhein kaba thymmai, kumta kiba dang shah sumar haduh mynta, ki long 4,988 ngut bad sa 8,329 ngut kiba la mih na ki jaka sumar bapher ha ka Jylla.

Hynnin ka sngi, sa ar ngut ki nongpang Covid ki la iap bad kiba iap, ki la poi sha ka 16ngut. Kawei kawei ka Dhadaram Mura kaba 40 snem ka rta na Koliabor ha Nagaon District, kawei pat, ka dei ka Devi Kakata, na Kamrup District.