Sa 52hajar tam, kiba ioh pang khlam corona ha India

Kiba ioh pang khlam corona virus, ki don sa 52,509 ngut ha ki 24 kynta ba ladep bad mynta, ki la poi baroh sha ka 19 lak ngut, katba kiba iap, ki la poi sha ka 39,795. Kiba la jem na ka jingpang, hynnin ka sngi, ki long 51,000 ngut, kaba dei ruh ka sngi, kaba bun tam, kiba jem na katei ka jingpang corona virus.

Kiba iap mynta ha kylleng ka pyrthei, ki la poi sha ka 700,000 ngut bad kiba iap bun eh, ki dei ha United States, Brazil, India bad ha Mexico. Kiba iap ha United States, ki la poi sha ka 155,000 ngut haduh mynta.