Sa 5 sngi, yn tohkit ki pulit ia ki KSU

Nongpoh, 06 Jylliew:
Dang myn ha ka sngi u Blei ka District Court jong ka Ri Bhoi, ka la rai ban phah 14 sngi hapoh ka Judicial Custody ia ki arngut ki nongialam ka KSU, ba kynthup ia u ia u samla Ferdynald Kham-kamni, President ka North Khasi Hills bad u Assistant Secretary ka KSU Sengkmie, u Sonstar Nongkhlaw, kaba dei hadien ba ka KSU ka la leit ban hiar thma da kaba shoh ia ki nongtrei bad pynjot ruh ia ki mashin jong ka kompani kaba pyntrei ia ka jaka kaba la thmu ban pynlong Steshon Rel ha shnong Ronghona, Ri Bhoi District.
Hadien katei ka jingjia ha Ronghona kitei ki nongialam ka KSU, ki la shah ujor haduh lai tylli ki ejahar, kata ha ki Pulit, ka Railways bad na ki Bor pyniaid District ka Ri Bhoi, ha kaba ia kitei ki arngut la ngat ruh ha ki kyndon ain bapher bapher jong ka Meghalaya Maintenance of Public Order (MMPO) bad Indian Penal Code (IPC).
Lah ruh ban ong hangne, naduh katei ka jingshah kem kaba la long ha ka 27 Tarik u bnai bad hadien ka jingtohkit ki Pulit, ka District Court ka Ri Bhoi mynha ka 4 Tarik ka la phah noh ia kitei ki arngut ki nongialam ka KSU ba kin don 14 sngi hapoh ka Judicial Custody, hynrei mynta ka sngi ka District Court ka la rai biang ban phah tohkit sa 5 sngi ha ka ka jingtohkit ki pulit, khnang ba kin lah ban pyndep ia ka jingtohkit.