Sa 43 ngut kiba ioh pang Covid-19 ha Assam, kiew sha ka 1,100ngut

Guwahati: Ki don sa 43 ngut kiba ioh pang COVID-19 ha Assam bad baroh kiba ioh pang ki la poi sha ka 1100 haduh mynta ka sngi.

U Himanta Biswa Sarma, myntri ka koit ka khiah, u iathuh ba ki don 43 ngut kiba ioh pang thymmai bad kitei ki kynthup ia 5 na Dhubri, 5 na Golaghat, 3 na Barpeta, 1 na Bongaigaon, 29 na ki jaka test bapher, bym pat tip thikna ia ki jaka jongki.

Ki don mynta 968 kiba dang don ia katei ka jingpang bad sa 125 kiba la jem bad saw ngut kiba la iap. Hynnin ka sngi, ki don bun eh, kiba ioh pang covid 19 ha Assam, ha kaba ki don 177ngut kiba ioh ha ka shisngi.

Ha kawei pat ka khubor, la iathuh ba la pyllait noh ia 38ngut ki nongpang na ki hospital bapher, namar ba ki la jem na ka jingpang Covid 19. Na kitei la iathuh kiba mih mynta ka sngi, ki long 14 ngut na Silchar Medical College and Hospital (SMCH), 11 ngut na Mahendra Mohan Choudhury Hospital, ha Pan Bazar, 8 ngut na Fakhruddin Ali Ahmed Medical College, Barpeta, sa 3ngut na Jorhat Medical College and Hospital (GMCH), 2 ngut na Gauhati Medical College and Hospital.