Sa 39ngut kiba ioh ia ka khlam covid, 1,700ngut kiba shah injek hynnin ka sngi

Shillong: Hynnin ka sngi, kiba ioh pang khlam covid ha ka jylla, ki long 39 ngut baroh bad ha East Khasi Hills, ki don 33ngut.

Ha East Khasi hills, ki kynthup ia 20ngut kiba wan phai na shabar jylla, 2 ngut kiba don jingpang ILI, 7ngut ki shipai bad 4ngut kiba leh screening.

Ha West Jaintia hills, ki don 3ngut bad 2ngut kiba leh screening bad uwei uba wan phai na shabar jylla.

Ha Ribhoi District, don arngut, ha kaba uwei u dei uba don ILI bad uwei uba leh screening ialade.

Ha South West Khasi hills, u don uwei uba wan phai na shabar jylla. Kiba jem na ka jingpang, ki long 4ngut hynnin ka sngi.

Kiba shah injek na ka khlam covid bad kiba la pyndep baroh ar sien, ki long 1,819 ngut. Kiba dei na ka tnat ka koit kiba la dep shah injek shisien, ki long 22,579 bad kiba la dep shah injek ar sien, ki long 15,844ngut.

Baroh kito kiba trei shakhmat, ban iakhun ia ka khlam corona bad kiba la dep injek shisien, ki long 33,243 bad kiba la dep injek ar sien, ki long 20,813 ngut. Ki paidbah, kiba la sha injek shisien, ki long 49309 ngut, kiba shah injek ar sien, ki long 3,436 ngut bad ki dawai kiba la pyndonkam ki long 1,45,224 tylli bad kiba shah injek tang hynnin ka sngi, ki long 1710 ngut bad baroh ki briew kiba la dep shah injek, ki long 40,093 ngut.