Sa 347 ngut kiba ioh pang corona ha ka jylla, khlad arngut, uwei ha Ichamati

Shillong: Kiba ioh pang corona thymmai, ki don 347 ngut mynta ka sngi.
Ka East Garo hills, ka don 10ngut kiba ioh pang bad na kitei ki kynthup ia 6ngut kiba ioh pang shit, jyrhoh bad ki high risk4ngut.

Ka East Jaintia hills, ka don 15ngut, ha kaba 12ngut ki dei kiba pang shit, jyrhoh. Ka East Khasi hills, ka don 177ngut bad na kitei ki kynthup ia 44ngut kiba pang shit, jyrhoh. Ki high risk, ki long 67ngut, kiba wan na bar, ki long 17ngut, nangta ka Smit, ka don 3ngut.

Ka Ribhoi, ka don 56 ngut kiba ioh pang thymmai bad ki high risk, ki don 36ngut. Ka West Garo Hills, ka don 22ngut, ka West Jaintia Hills, ka don 11ngut.
Kiba la jem, ki long 129ngut. Baroh kiba ioh pang, ki la poi mynta sha ka 2,351 ngut bad kiba iap ki long 193ngut.

Kiba iap corona, ki long U Munni Ruddil Ahmed (83), uba na Umsohphoh, Nongpoh, Ribhoi District bad nangta U Aroti Das (50), uba na Cheklabasti, Ichamati, East Khasi Hills. Utei ula iap ha iing mynta ka sngi bad la lap, ba u dei uba pang corona.