Sa 3 tylli ki iing ba sah ban leit khang tala, ong u DC

Shillong,16 Jylliew:
Ki bor pyniaid Dis trik haduh mynta ki la khang tala bunbah ki ing paki dulan kynthup ki dukan kiba la tei palat pud kaba la shim ba ki la pynkhein ia ki kyndon ka MUDA, ia katei ka jing khang tala la pyndep katkum ka hukum ka High Court. U Deputy Commissioner ka East Khasi Hills u Sanjay Goyal haba kren sha ki nongthoh khubor u la ong ba mynta ki sah sa tang kumba ne 3 tylli ki ing paki dulan kiba hap ban khang tala, bad ia kitei yn pyndep noh ha ka sngi balang.
Ki ing paki dulan kiba la shah khang tala mynta ka sngi ki long ka skul Islamia  High School , ka iing ha Bivar Road, Jail Road, GS Road bad Motinagar bad nalor kiwei pat kawei ka iing kaba la shah khang tala ka dei ka ing jong u MLa ka Jirang u bah Lamboklang Myl liem. La leit khang tala ia kitei ki iing paki dulan da u DC, u SP East Khasi Hills bad ki ophisar ka MUDA, ka jingbishar biang halor katei ka mat kan long ha ka 18 tarik u jylliew. Ka High Court ka la pynmih ia katei ka hukum ban khang ia ki iing paki dulan kiba la tei palat pud ia ki kyndon jong ka MUDA hadien ba la ujor PIL da u nongiasaid ain na nongbah Shillong u Jonathan Thangkhiew bad 3 ngut kiwei pat pyrshah ia ki iing paki dulan kiba ieng bun mala.
Ha ka 3 tarik u iaiong, ki bor Distrik ki la khang tala 12 tylli ki ing ba kynthup ia ka
iing u Narayan Prasad Jhunjhunwala (Police Bazaar), Nilesh Tibrewalla (Thana Road), Satyabrato Baidya (Jail Road), Ajit Das Gupta (Jail Road), Bidur Das (Jail Road), Uday N Shukla (Oakland Road), Rajkumari Sinha (Bivar Road), Mentok Ri-Project Pvt. Ltd (Bivar Road), Maruf Elahi (Bivar Road), Beroline Khongshei (Laban), Mohendro Rapsang (Keating Road) bad Saini Pala (Motinagar).
Hadien katei ka pynmih kyrteng sa 12 tylli kiwei pat ki ing kiba dei jong u
Sanjib Das (GS Road, Police Bazar), Manchin Fincon Pvt Ltd (Jail Road), Kenneth M Lyngdoh (Bivar Road), Sanjay Jhunjhunwala (Bivar Road), Modrick Nongkynrih (Bishop Cotton Road), BD Marbaniang (Demseniong), Lamboklang Mylliemngap (Motinagar), Dr TA Sohkhlet (Lummawrie), Allenwood Swer (Fire Brigade), Secretary ka Islamia Secondary School (GS Road, Police Bazar), P Dkhar (Laban) bad Nicolas Wahlang (Boyce Road).