Sa 3 taiew ban pyndep jingtohkit, halor ka jingshah shoh kong Agnes

Shillong: Ka jingtohkit ia ka kes kaba ia dei bad ka jingshah shoh ka kong Agnes Kharshiing bad ka Amita Sangma ka la jan dep artad, ong u Investigation Officer (IO) haba jubab myn hynnin ka sngi sha ka Meghalaya High Court. U Addl AG u la ai jingthoh sha ka ing bishar ba kan shim por sa kumba 3 taiew ban pyndep ia ka jingtohkit bad ka ingbishar kan shong bishar biang ia katei ka jingdawa CBI ka Amita Sangma hadien ba la kut katei ka 3 taiew.
U IO u la thoh ruh da ka Affidavit sha ka ingbishar halor ka jingpan jingshai jong ka ba ki shim jubab na u bah Nidamon Chulet bad u IO u la ong ba la shim ia ka jubab jong u lyngba ka section 161 bad 164 Cr.PC. U Addl. AG u la ong ba yn ai ripod sha ka ingbishar hadien ba la dep ban lum ia ka ripod na ki Service Provider ia ki phone bad FSL.