Sa 3 ki met iap na Garo, kiew 55ngut

Shillong,29 Nailur:
Ka jingiap briew ha ka jingshlei um ha Garo Hills ka la kiew sha ka 55 ngut hadie n ba la lap biang sa 3 tylli ki metiap mynta ka sngi na West Garo Hills. La iathuh ba mynta ka sngi ka la don ka jinghap slap ha ki katto katne bynta ka jylla tangba kam long than kaba jur katta katta.
La iathuh ba ha ka surok NH 61, la pyllait lut ia baroh ki jait kali ban iaid lynti , ka NH-62 ka la plie lait noh tang ha ki katto katne bynta, ka surok ka NH 51, AMPT Road, Tura –Baghmara Road, Shillong-Nongstoin- Williamnagar- Tura Road, Damra- Dainadubi- Mendipathar Road, Paikan-Resubelpara Road k ala plie lynti lut ia baroh ki jait kali tang ka surok Mahendraganj – Purakhasia ka la khang. Ha ki ba bun ki jaka la ai ia ki bor ding ilektrik lait noh tang tang ha Resubelpara bad katto katne kiwei pat ki bynta. Ka POL supply ka la poi sha Tura.