New Delhi: Kiba pang corona mynta ka sngi ha India, ki la poi sha ka 3.46 lak ngut ha India bad katei ka dei ka jingkhein kaba bun tam ha India, ha ka shi sngi. Kiba iap, ki long 2,624 ngut ha ka shisngi.
Hynnin ka sngi, kiba pang, ki long 3.32lak ngut.
Mynta ki don 25.52lak ngut kiba pang ha ka Ri baroh kawei bad sa 1.38 klur ngut kiba la jem na katei ka jingpang bad kiba iap, ki long 1.89lak ngut.
La iathuh shuh ba 20ngut ki nongpang covid, kiba don ha ka Jaipur Golden hospital, ki la khlad noh, namar ba kim ioh ia ka oxygen. Ka Jaipur, ka dei ka hospital, kaba la dawa kyrkieh, ia ka oxygen na ka sorkar India.
Hynriew ngut, ki nongpang, ha kaba 5ngut ki dei kiba pang covid 19, ki la khlad noh ha ka Neelkanth hospital, ha ka sngi saitjain ha Amritsar jong ka Punjab bad ka jingiap jongki, ka dei namar ba kim ioh oxygen satia.
Phi don ban ong eiei?