Sa 28 ngut kiba ioh corona ha ka Jylla

Shillong:Kiba ioh pang corona thymmai mynta ka sngi, ki long 28 ngut. Kiba ioh pang ki kynthup ia 15 ngut na East Khasi hills, bad na kitei ki kynthup ia 12 ngut ki riew paidbah.

Nangta ha West Garo Hills, ki don 5 ngut bad ha East Garo hills 4 ngut bad ha Ribhoi District, ki don 2 ngut, nangta ha South West Garo Hills 1 bad ha West Jaintia Hills iwei.

Kiba jem na ka jingpang mynta ka sngi, ki long 37 ngut bad kitei ki kynthup ia 21 ngut ha East Khasi Hills, West Garo Hills 7 ngut, West Jaintia Hills 3 ngut, East Jaintia Hills 2 ngut, Ribhoi District 2 ngut, East Garo Hills 1, North Garo hills 1.

Kiba dang don ha ka jingpang, ki long 1024 ngut bad kiba iap, ki long 94 ngut,na ka jingdon iwei iba iap mynta ka sngi, na West Garo Hills.