Sa 24 ngut kiba ioh pang khlam coronavirus ha ka Jylla, kiew ha East bad West Jaintia Hills

Shillong: Ka pang khlam coronavirus, ka la nang kiew shuh ha ka Jylla mynta ka sngi.

U Dr A War, Director of Health Services (MI), ha ka jingpyntip, mynta ka sngi, u iathuh ba ki don sa 24 ngut kiba ioh ia katei ka khlam coronavirus bad kitei ki kynthup ia 18 ngut ha East Khasi Hills, 2 ngut ki Air Force, 6 ngut ki BSF, Kiwei pat 10ngut. Ha East Jaintia Hills, kiba ioh pang ki don sa 2 ngut bad ha West Jaintia Hills, ki don 4ngut.

U Lahkmen Rymbui, Myntri Sorkar uba long ruh u MLA ka thain ula pynbna ba ki don 3 ngut ki briew kiba la test COVID-19 positive hadien ba kila pyndep iaka Random Testing haka sngi Saitjain kaba taiew kaba la dep.

Kiwei ki lad khubor, ki iathuh ba ki don lai ngut kiba ioh ia katei ka pang khlam, kiba na ka thain Amlarem bad ar ngut na ka shnong Amlarem bad sa pat u dei na Amsarim.

Baroh kiba ioh pang haduh mynta, ki la poi sha ka 433ngut bad kitei ki kynthup ia 366ngut ha East Khasi hills, 42 ngut ha Ribhoi, 5 ngut ha West Jaintia, 3 ngut ha East Jaintia, 12 ngut ha West Garo hills, 1 ha South West Garo Hills, 2 ha South Garo Hills, 1 ha East Garo Hills, 1 ha North Garo Hills.

Baroh kiba la jem, ki long 77ngut bad sa kiba iap, ki long 4ngut.