Sa 24 ngut, ioh coronavirus ki shipai BSF ha Tripura

Sa 24 ngut ki shipai BSF, kiba don ha Tripura, ki ioh jingpang Covid-19 bad kitei ki dei kiba na ka 86th Battalion jong ka Border Security Force, kaba don ha Ambassa. Haduh mynta, ki don 88 ngut kiba ioh jingpang corona ha katei ka Jylla.

Ki don baroh 209 ngut ki shipai ha katei ka Battalion bad la iathuh ba la test ia kiba bun, ban pyn thikna, la kiwei ki don jingpang ne em.