Sa 2,372 ngut kiba ioh pang khlam covid ha Assam

Guwahati: Ki don sa 2,372 ngut kiba ioh pang khlam COVID19 ha Assam, hynnin ka sngi bad baroh kiba ioh pang, ki la poi sha ka 52,817 ngut.

U Himanta Biswa Sarma, myntri ka koit ka khiah ka sorkar Assam, u iathuh ba kito kiba ioh pang ha Kamrup Metro, ki don 470ngut, ha Nagaon 197 ngut, ha Cachar 163 ngut, ha Dibrugarh 128, ha Tinsukia 122 bad ha Jorhat 104 ngut.

Baroh kiba dang don ia katei ka jingpang ha Assam, haduh mynta, ki long 16,796ngut. Hynnin ka sngi, ki don 5ngut kiba iap bad baroh kiba iap na ka khlam covid, ki la poi sha ka 126ngut ha Assam.