Sa 2 taiew, ka resol MP, bun ki nongthep vote kiba la iap

Shillong,2 Jymmang:
Ka jingiathep vote elekshon MP lok sabha ka la long naduh ka 9 tarik u iaiong ha kane ka jylla, katba ka jingpynbna result, kan long ha ka 16 tarik u jymmang, kaba long shi bnai shiteng hadien ba la thep vote ba ki paid nong Meghalaya kin hap ban ap ia ka resol.
23 sngi ki la iaid, mynta sa tang 14 sngi kaba long ar taiew thik ba ki paidbah kin hap ban ap na bynta ka resol, la iohi ba ha kine ki 23 sngi ba la leit ki la don bun ngut ruh ki nongthep vote kiba la khlad noh, khlem da ap ban tip ba u kyrtong ba ki la thep u jop ne u rem.
Katba lah ban lum jingtip ia ki briew kiba la khlad noh hadien ba la dep thep vote , ki la don da ki bun spah ngut tam ha kine ki 23 sngi, bad kitei ki dei kiba la ioh jingtip lyngba ki jingpynmih khubor ha ki kot khubor bapher bapher bad sa ki jingiap, kiba kham bnai paidbah, ha ki dong bad ki shnong bapher ka Ri Khasi Jaintia.