Sa 19 ngut kiba ioh pang corona ha ka Jylla, sa 17 ngut ha East Khasi Hills

Shillong: Ki don 19 ngut kiba ioh pang khlam corona haduh ka por 11 baje hynnin ka miet.

Kitei ki kynthup ia 17 ngut ha East Khasi Hills bad kitei ki long uwei u shipai, uwei u shipai BSF, kiwei pat 15 ngut. Ha East Jaintia Hills, don iwei iba ioh pang bad ha West Garo Hills, don iwei kiba ioh pang.

Kiba la jem na katei ka jingpang, ki long 38 ngut ha East Khasi Hills bad kitei ki kynthup ia 26 ngut ki shipai BSF, 12 ngut kiwei pat. Baroh kiba la jem, ki long 173 ngut bad kiba iap 5ngut.

Haduh mynta kiba don ha ka jingpang, ki long 543 ngut bad ha East Khasi Hills, ki long 441 ngut. Ki BSF ki don 245 ngut, kiwei pat 170 ngut, ki shipai 26 ngut.

Ha West Khasi Hills, ki don 3ngut, ha Ri bhoi 50 ngut, ha West Jaintia Hills 10 ngut, ha East Jaintia Hills 14 ngut, ha West Garo Hills 16 ngut, South West Garo Hills 4ngut, South Garo Hills 2ngut, East Garo Hills 1, North Garo Hills 2.