Sa 18,552 ngut kiba ioh pang khlam coronavirus ha India, baroh ki la poi 5 lak ngut

Kiba ioh pang khlam coronavirus ha India, ki la tam mynta ka sngi ia ka 5 lak ngut, hadien ba ki don 18,552 ngut kiba ioh pang ha ki 24 kynta ba ladep, ong ka khubor jong ka tnat ka koit ka khiah ka sorkar India. Kane ka jingkhein, ka dei ruh kaba bun tam, na baroh ki jingkhein jong ka jingioh pang khlam ha India, haduh mynta.

Kiba iap, ki la poi sha ka 15,685 ngut, da ka jingdon jong ki 384 ngut kiba iap ha ki 24 kynta ba ladep.

Haduh mynta ka sngi, baroh kiba ioh pang, ki long 5,08,953 bad sa 1,97,387 kiba dang don ha katei ka jingpang bad nangta sa 2,95,881 ngut kiba la jem ha ka jingshah sumar bad baroh kiba iap, ki long 15,685 ngut.